Ifraax Cabdinuur Faarax oo ah Aqoonyahanad Soomaaliyeed gaar reer Puntland ah ayaa dadaal dheer waxay ugu jirtaa Kor u Qaadista Waxbarashada Haweenka Soomaaliyeed iyo weliba sidii ay Siyaasada dalka Qeyb uga noqon lahaayeen.
Aqoonyahanad Ifraax oo xiligan ku sugan Magaalada Muqdisho ee Caasimada dalka Soomaaliya ayaa Mar ay Saxaafada la hadashay xustay in Haweenka Soomaaliyeed ka siman yihiin inay helaan kaalinta ay ku leeyihiin Doorashada 2016,waxayna sheegtay inay jiraan Dumar badan oo aqoon uleh Arimaha dalka.
Aqoonyahanad Ifraax oo mar walbana u taagan sidii haweeenka Soomaliyeed meel walba ay joogaan uga caawin laheed dhan walba sida waxbarashada iyo arimaha caafimaadka iyo sidoo kale sidii looga caawin lahaa heweenka somaliyeed xirfado ay ku shaqeystaan.
Sidoo kale Aqoonyahanad Ifraax ayaa Xustay in haweenka Soomaaliyeed tan iyo burburkii Dawladdi dhexe ee Soomaaliya ay la kulmeen dhibaatooyin kala gedisan,xilligaan ay u baahanyihin in si weyn loo caawiyo.
Ifraax ayaa Haweenka ku Boorisay inay sii wadaan kaalintooda lama illaawaanka ah ee ay ku badbaadiyeen dalka iyo dadka Ifraax ayaa ardayda dugsiyada sare ee magaalada muqdisho ku borisay iney wax bartaan si ay nolol u helaan iyadoo sidoo kale u sheegtay ardaydaas Faa’iidada waxbarashadu ay leedahay.
Ugu Danbayntii Aqoonyahanad Ifraax Waxa ay sheegtay in dowladda Soomaaliya looga baahan yahay inay ka shaqeyso sidii haweenku ay ku heli lahaayeen Kaalinta Haweenka ayna xoojiso hawlaha ay bulshada u hayaan.
