Magaalada Bristol ee Cariga Dalka Ingiriiska ayaa maanta oo axad ahayd Waxa lagu Qabtay Munaasabad Aad u Ballaaran oo ku Saabsanayd Dhaqanka Suuban ee Soomaalida.
Munaasabadan oo ahayd Mid Dhaqan ayaa Waxa Kasoo Qeybgallay Duqa Degmada Bristol Mr.George Ferguson,C/fataax Ugaas Yaasiin Ugaas C/raxmaan,Mudane.C/qaadir Shiikh iyo Mudane.Dubad iyo Marti Sharaf Kale oo tira badan.
Intii ay Munaasabadu ay Socotay Waxa Madasha lagu Soo Bandhigay Dhaqamo badan oo ka turjumayay Hidaha iyo Dhaqanka Soomaalida kuwaas oo dhamaan Ajaanimtii Xaflada kasoo Qeybgashay ay si Weyn uga heleen.
Sanad walba xiligan oo kale ayaa Waxa Magaalada Bristol lagu qabtaa Munaasabad ku saabsan Hidaha iyo Dhaqanka Soomaalida,taas oo faaiido weyn u leh Dhalaanka Soomaaliyeed ee Qurbaha ku dhashay amase ku Barbaaray.
