Xildhibaanadii Baarlamaanka Puntland ee Beelaha Dishiishe ayaa Lasoo Xuley.
Gudi isugu jirey Siyaasiyiin,Isimo iyo Ganacsato Loo Xilsaarey soo Xulista Xubnaha Baarlamaanka Puntland ee Beesha Dishiishe ayaa ku Guuleystay Soo Xulista Xubnihii Beesha uga Mid Noqon Lahaa Xildhibaanada Cusub ee Dowlada Puntland.
Soo Xulista Xubnahan ayaa qaadatay Mudo Dheer ka dib markii ay Walaac Muujiyiin qaar ka mid ah Beelaha Dishiishe.
Ugaas Xasan Ugaas Yaasiin ayaa qalinka ku duugay Xildhibaanadaas waxaynka kala yihiin Sadexda Xildhibaan ee Magacyadoodu Hoos ku Xusan Yihiin:-
1-Xildhibaan Maxamed Maxamuud Ismaaciil oo ah aqoon yahan kasoo jeeda Beelaha Dishiishe Gaar ahaan Beelweynta Makadoor/Reer Boqor.
2-Xildhibaan Gaacshe Maxamed Axmed(Gaacshe Garweyne) oo isna kasoo Jeeda Beelaha Dishiishe Gaar Ahaan Beelweynta Bahiwadaag/Reer Ugaas.
3-Xildhibaan C/risaaq Siciid Aadan oo isna kasoo Jeeda Beelaha Dishiishe Gaar Ahaan Beelweynta Reer Xaaji/Reer Muuse.
Dhamaan Xildhibaanada xilkaas ku guuleystay ayaa loo hambalyeeyey waxaana lagula dar-daarmay inay xilkooda si muwaadinimo ah oo masuuliyad ku jirto u gutaan.
Waxaa xusid Mudan in Qofna uusan kasoo Noqon Xildhibaanadii Hore ee ay Beeshu ku lahayd Baarlamanka Puntland.
