Koox hubaysan ayaa galabta toogasho ku dishay Maxamuud Maxamed Xuseen oo ka mid ah nabaddoonnada caanka ka ah magaalada Marka ee xarunta gobolka Shabeelaha hoose.
Goobjoogeyaal ayaa Saxaafada u sheegay in saddex nin oo dhallinyaro ah oo bastoolado ku hubaysan ay bartamaha magaalada ku toogteen, waxayna rasaastu ka haleeshay qaybaha sare ee jirkiisa.
Marxuumka oo dhaawaca ahaan goobta looga qaaday ayaa markii dambe ku naf baxay isbitaalka degmada Marka.
Kooxda dilka gaysatay ayaa durba ka baxsatay goobta, iyadoo qaar ka tirsan ehellada marxuumka oo codsaday inaan la magacaabin ay dilkiisa la xariiriyeen maleeshiyada al-Shabaab oo horay ugu hanjabtay.