Munaasabad lagu maamuusayo maalinta xorriyadda saxafiyiinta Aduunka ayaa maanta lagu qabtay magaalada Garoowe, waxaana munaasabaddaas soo qaban qaabisay hay’adda Releif International.
Madaxweeyne ku xigeenka maamulka Puntland C/xakiin Cabdullaahi Cumar Camay ayaa ka qeybgalay munaasabadda, waxaa sidoo kale ka qeybgalay xubno ka tirsan golaha wasiirada iyo bahda saxaafadda.
hadalladii laga jeediyey halkaas ayaa diiradda lagu saaray, muhiimadda ay leedahay saxaafadda oo loo ogolaado inay xorriyad ku shaqeyso, iyo dhibaatooyinka ka imaankara haddii la cabburiyo.
Axmed Cawil Maxamuud madaxa mashaariicda dhanka saxaafadda u qaabilsan hay’adda Releif ayaa ka hadlay xuska maalintaan, wuxuuna sheegay in hay’addu ay waddo qorshayaal lagu horumarinayo xirfadda saxafiyiinta Soomaaliyeed, ayna dalka Soomaaliya qeybo ka mida ka dhiseen machadyo lagu tababaro wariyaasha.
Madaxweyne ku xigeenka Puntland C/xakiin C/laahi Cumar Camay ayaa sheegay in saxafiyiinta ka hawlgala Puntland ay si xor ah shaqadooda u gudankaraan xilligaan wixii ka dambeeya, iyaga xaqiiqda ku salaynaya wax kasta oo ay bulshada usoo gudbinayaan.
Inkasdta oo saxafiyiinta Soomnaaliyeed ay dhibaatooyin fool xun la kulmayeen dhawrkii sano ee ugu dambeeyey, ayaa haddana marka laga eego dhanka Puntland waxaa aad u yaraa dhibaatoyinka loo gaysto bahda saxaafadda.
