Waxa Gelinkii Hore ee Maanta ka dhoofay Magaalada Garoowe ee Xarunta Dowlada Puntland Wafdigii Maamulka Jubbaland ee Hogaaminayay Madaxweyne Axmed Madoobe.
Wafdi Maamulka Jubbaland ayaa Waxa Garoonka Diyaaradaha ee Magaalada Garoowe kusii Sagootiyey Madaxweynaha Puntland iyo Ku Xigeenkiisa.
Madaxweynaha Maamulka Jubbaland oo intii aanu dhoofin Saxaafada Kula Hadlay Gudaha Garoonka Diyaaradaha ee Magaalada Garoowe ayaa Waxa uu u Mahadceliyey madaxda Puntland iyo dhamaan shacabka sidii wanaagsanayd ee caasumadda loogu soo dhaweeyay,wuxuna sheegay Puntland iyo Jubbaland inay yihin dad walaalo ah oo jecel ka shaqaynta midnimadda iyo horumarka dalka Soomaaliya.
Ugu Dameyntii Madaxweynaha Dowlada Puntland oo asna dhankiisa Saxaafada kala hadlay ayaa sheegay inay ku faraxsan yihiin madaxda Jubbaland kasoo qayb galka xafladooda caleema saarka,wuxuna sheegay inay wax badan oo u dhaxeeya labada dhinac kasii wada shaqayn doonaan.
