Galabnimadii Isniintii Abaarihii 4:00 pm galabnimo saacad wadanka Pakistan ayaa lagu qabtay cayaar-maamuuseed loogu dabaal degaayo isla mar ahaantaasna loogu maamuusaayo 15 guuradii kasoo wareegtay asaaskii Maamul Goboleedka Puntland .
Cayaar-maamuuseedaan waxaa soo agaasimay Jaaliyada Puntland ee wadanka Pakistan gaar ahaan Jaaliyada ku nool magaalada Islaamabad .
Waxaa munaasabadaas kasoo qeybgalay masuuliyiin farabadan oo ay ka mid yihiin xubno ka socday Saafaarada Somalia ay ku leedahay wadankaan iyo marti sharaf ka socotay Jaaliyada Somalia ee dalkaan .
Waxaa labada kooxood oo ku looltamaayey Koobkaan ay kala ahaayeen , Kooxda Hormuud iyo Kooxda Halgan. Cayaartaas oo ku bilaabatay jawi degan, ahaydna mid ay aad u xiisa gelisay dhamaan kasoo qeybgalayaashii Munaasabada.
Labada kooxood wax’ay soo bandhigeen cayaar wanaag, waxaana cayaartii ku soo idlaatay barbardhac , halkaas oo lays la gaaray Rigoorayaal(Gool ku laad ). Ugu danbayntiina waxaa’ay guushu ku raacday kooxda Hormuud oo ku badisay 4-3.
Gabagabadi waxaa la gudoonsiiyey koobab iyo billado labada kooxoodba waxaana Gudoonsiiyey Caaqil Siciid Mahdi iyo marti sharaftii kale .
Mahadsanidiin.
Mohamed Nour Mohamoud “ kuluu”