Hoolka Barlamanka Puntland ee magaalada Garowe ayaa maanta
lagu qabtay xuska maalinta dhalinyarada aduunka oo ku beegnayd maanta,
waxana ka soo qaybgalay madaxweyne ku xigeenka, gudoomiayaha Barlamanka,
wasiiro, masuuliyiinta kala duwan ee Dowladda, Taliyaha ciidanka Booliska,
ururadda dhalinyarada ee gobollada, hayado caalami ah sida UNDP, UNFPA,
UNICEF, Save the Children, Care, IOM, Mercy Corps iyo marti sharaf kale.
Xaflada ayaa inta ay socotay lagu soo bandhigay muuqaalo iyo riwaayado
dhalinta looga wacyigelinayo Tahriibta iyo khatarta ay leedahay, xili boqolaal
dhalinyaro ay dalka dibadiisa u baxeen si ay dhuumaaleysi ugu galaan dalalka reer Yurub.
Wasiirka shaqada iyo shaqaalaha , dhalinyarada iyo cayaaraha Puntland Cabdiweli Xirsi Cabdule
”Indhoguran” ayaa in badan ka soo sheekeeyay sanadkii tagay hawsha ay wasaaradu qabatay
gaar ahaan dhanka horumarinta dhalinyarada, wacyigelintooda iyo shaqo abuuristooda.
”Hawlo qabyo naga ah weli way jiraan ,waxaaana ku hanwaynahay inaan horey ugu socono si aan
u gaarno yoolka aan higsaneyno” ayuu yiri wasiirku.
Gudoomiyaha Barlamanka Puntland Cabdirashiid Maxamed Xirsi ayaa dhibaatada tahriibta
uga digay dhalinyarada oo uu ku sheegay musiibo qaran maadaama ay ku leedeen wiilashi Soomaaliyeed.
”Nabarkii Muslinka ku dhaca anagana wuu nagu dhacayaa, horey baaq ayaa goluhu uga soo
saaray tahriibta waxaana aan ku baaqnay shirweyne looga tashanayo qaabkii looga hortagi
lahaa” ayuu yiri gudoomiyuhu.
Madaxweyne ku xigeenka Puntland ayaa soo xiray xafladan oo hanbalyo u diray
dhalinyarada Soomaliyeed iyo kuwa reer Puntland munaasibadan iyo ciida.
Dhibaatooyinka dhalinyarada la soo gudboonaa ayuu ku dheeraaday Gen.Cabdisamad Cali Shire
oo uu ku sheegay burcad badeed, Al-shabaab iyo tahriibta isagoona raacshay inay ku jiraan falanka
tahriibta dhalinta xiliyadan danbe soo badanaysay.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |