Kulan Balaaran oo lagu taageerayo Maamulka Jubbaland oo Bosaaso lagu qabtey(Sawiro+Video).

Maraykanka ,dalalka Yurub iyo Afrika qaarkood ayaa lagu qabtay kulamo kala duwan oo lagu muujinayo taageerada maamul goboleedka Jubaland ee loo doortay 15 May,2013 madaxweyne Shiikh Axmed Madoobe.

Dowlada Federaalka  Somalia ayaa ka soo horjeesatay dhismaha Jubaland iyo weliba doorashada hogaanka sare ,waxana ay ku tilmaamtay mid aan sharci ahayn.iyadoo haatan ay Kismayo ku suganyihiin wafdi ka socda oo xildhibaano u badan kuwaasi oo lagu sheegay guddi dib u heshiisiinta Jubooyinka qaabilsan.

Puntland ayaa kaalinta hore kaga jirtay dhinacyadii sida wayn u taageersanaa in Jubooyinka iyo Gedo laga dhiso maamul goboleed ka tirsan dowladaha federaaliga ah Somalia ,waxana ay ku baaqday in goboladda kale sida Bay ,Bakool ,Shabeelooyinka iyo kuwa dhexe wadadan oo kale maraan si loo dhamaystiro dastuurka qabyada ah.