Dowlada Puntland ayaa wafdi isugu jira Wasiiro,xildhibaano iyo Odayaal dhaqan udirtey Magaalada Muqdisho,si ay uga qeyb noqdaan baaritaan Guud oo lagu Sameyn doono Sidii uu u dhacay Dilkii Xildhibaanad Saado Cali Warsame iyo Cidii ka danbaysay dilkeeda.
Wafdigan ayaa Waxa Hogaaminaya Wasiirka Arimaha Gudaha Dowlada Puntland Mudane.Axmed karaash oo ay Marxuumada isku heyb yihiin.
Wasiirka Warfaafinta Puntland Cabdiwali Xirsi Cabdulle Indhoguran oo warbaahinta kula hadlay garoonka diyaaradaha ayaa sheegay inuu salka ku hayo socdalkodu sidii baaritaan dhab ah loogu samayn lahaa dilkii Xildhibaanad Saado Cali Warsame iyo weliba mudanayaal ka tirsan Baarlamanka Somalia oo ka dhacay Muqdisho.
Indhoguran ayaa sheegay dilka Xildhibaan Saado Cali Warsame in uu noqonayo dilka xildhibaankii 3-aad oo Puntland kasoo jeedana laguna dilo gudaha magaalada Muqdisho iyadoona aan WAX baaritaano ah lagu samayn,Balse Wasiir indhoguran oo hadalkiisa sii wata ayaa Sheegay in hada Wixii ka danbeeya aan la isaga hari doonin Masuul dame oo si bilaa Micne ah loo dilo .
Raadreeb+PuntlandFox.