Gaalkacyo: waxaa maanta masaajidka abii hurayra ee magaalada Gaalkacyo
lagu qaybtay munaasamad balaaran, munaasamadaas oo lagu soo
gabagabeeyey tartanka qur’aanka kariimka kaas oo socday intii lagu
guda jira bisha barkaysan ee soonka waxaana ku tartamayey 13 dugsi oo
ku yaala magaalada Galkacyo iyo dagmooyin katirsan Gobolka mudug sida
dagmada Galdagob , cagaaran iyo magaladabacaadweyn, waxaana
munaasamadaas ka soo qayb galay culumo udiin, waalidiin, masuuliyiin
ka tirsan maamulka puntland, waalidiinta iyo qaybaha kala duwan ee
bulshada.
Sheikh adan maxamed cigaal oo katirsan culimada waaweyn ee gobolka
mudug ayaa ugu horayntii halkaas kazoo jeediyay khudbad dheer oo uu
oga hadlay quraanka iyo fadligiisa dadkana ku dhiiri galiyay in ay
kitaabka alle kor uqaadan ilmahoodana ku tarbiyen .
Waxaa sidoo kale goobta kahadlay gudoomiyaha Mu,asasada Al-minhaaj
faraca qaybta mudug isoo u mahad celiyay dhamaan ardayda kaqayb
qaadatay tartanka quraanka kariimka iyo dhamaan maamulayaasha
madaarista .
Sidoo kale waxa uu gudoomiyu u mahad celiyay shirkada xooga koranta
ee nepco shirkadaas oo maal galisay tartanka quraanka kariimka ee
sanadkaan.
Qaybaha quraanka lagu tartamayay waxay kala ahaayeen 30jus,
20jus,15jus,10jus,5jus.
Ardaydii ku guulaystay tartanka quraanka kariimkaa ee mudug ayaa
waxaa lagu abaal mariray dhaqaale fara badan oo aysiisay shirkada
xooga koranta ee nepco iyadoo ardaygii usareeyay siisay lacag dhan
$700 iyo qalab kale .
Xafladaan oo ahayd mid aad u agaasiman ayaa waxay ku soo dhamaatay
jawi aad uwanaagsan .
