Madaxwaynaha Dowlada Puntland Mudane Dr Cabdiwali Maxamed Cali Gaas ayaa Casho sharaf Caawa ugu sameeyay aqalka Madaxtooyada Puntland ee Garowe kooxda Garowe City oo kaalinta labaad ka gashay koobka Kolayga ee Bariga iyo Bartamaha Africa.
Casho sharafta uu Madaxwaynaha Dowlada Puntland u sameeyay dhalinyaradaasi waxaa goob joog ahaa Madaxwayne ku xigeenka Dowlada Puntland Cabdixakiin Cabdulaahi Xaaji Cumar Camay,Wasiiro katirsan Xukuumada Puntland,mamulka Gobalka Nugaal,kan degmada Garowe iyo Saraakil katirsan Madaxtooyada Puntland.
Madaxwayne Dr Cabdiwali Maxamed Cali Gaas oo ku labisanaa dharka Ciyaaraha ayaa si kal iyo laab ah ugacan qaaday uguna Hambalyeeyay dhalinyaradii guusha wayn u soo hoyay Puntland iyo Soomaali inteeda kale ee Kaalinta labaad ka gashay koobka Kolayga ee Bariga iyo Bartamaha Africa.
”Guul aan ka dhicin soomaaliya 25-kii sano ee la soo dhafaay ayaan dhihi karnaa waay soo hoyeen dhalinyaradani,waxana leeyahay marka u horaysa Hambalyo,magac baad soomaliya u soo jiideen,magac baad Puntland u soo jiideen,magac baad magaladi aad Magaceeda ku dheelaysen u soo jiiden”Ayuu yiri Madaxwayne Cabdiwali Gaas .
”Ciyaaruhu waxa ay kamid yihiin,waxa isu soo dhawaynaya umadda Soomaaliyeed,mid kamid ah wiilasheenuna waxa uu noqday ninka ugu goolasha badnaa waana wax lagu Farxo”Sidaasi waxaa yiri Madaxwaynaha Dowlada Puntland Mudane Dr Cabdiwali Maxamed Cali Gaas .
Madaxwayne Mudane Cabdiwali Maxamed Cali Gaas ayaa si gaar ah ugu Mahadceliyay Cabdirashiid Xasan Xirsi Baki oo ahaa Gudoomiyihii Hogaaminayay Dhalinyaradaasi ku dheelaysay Magaca Caasimada Puntland ee Garowe.
Kooxda Garowe City ayaa Kaalinta Labaad ka gashay Koobka Kolayga ee Bariga iyo Bartamaha Africa,waxana si dirqi ah Kooxdani uga badiyay koox ka socotay Caasimadda Masar ee Qaahira .
