Madaxweynaha dawladda Puntland Oo Xariga Ka Jaray
Dhismayaal Loogu Tala Galay Dadka Barakacayaasha Ah Ee Ku Nool
Gaalkacayo.
Madaxweynaha Dawladda Puntlandi Dr. Cabdi-weli Max’ed Cali Gaas ayaa
xariga ka jaray guryo ka kooban 483-guri kuwaasi oo loog tala galay
inay hoy ka dhigtaan dadka barakacayaasha ah ee ku sugan Magaalada
Gaalkacayo ee xarunta gobolka Mudug.
Gurayahan ayaa waxaa 483- ka mid ah ku deeqday hay;’adda NRC oo ka mid
ah hay’adha ka shaqeeya Puntland, halka loo dhisay dadka
barakacayaasha ah ee ku sugan magaalada Gaalkacayo, halka 200- oo
gurina ay ku deeqday hay’adda DRC oo iyaduna qayb ka ah hay’adaha ka
shaqeeya arrimaha bulshada.
Dhismayaashan oo laga kala dhisay kaamamka barakacayaasha ee
Hala-booqad iyo Salaama ayaa sidoo kale wuxuu Madaxweynuhu udhagax
dhigay suuq u gaar ah, waxaana dhismaha suuqaasi fulisay hay’adda DRC
kaasi noqonaya suuq ay si gaar ah uga adeegtaan dadka barakacayaasha
ah ee kunool labadaasi xaaafadood.
Madaxweynaha Dawladda Puntland Dr. Cabdi-weli Intii uu ku sugnaa
xaafadaha dadka barakacayaasha ah waxa uu kala kulmay soo dhoweyn
diiran, iyagoo sheegay in Madaxweyne Gaas uu noqday Madaxweynihii ugu
horeeyey oo soo booqda, isla markaana ay ku faraxsan yihiin guryaha uu
xariga uga jaray ee maanta lagu wareejiyay.
Kormeeradan kala duwan iyo xarig jarida wadooyinka iyo guryaha
barakacayaasha ee Madaxweynaha Dawladda Puntland uu maanta ka sameeyey
magaalada Gaalkacayo waxaa ay qayb ka yihiin shaqooyinkii rasmiga ahaa
ee wafdiga Dawladdu ay u tageen Gobolka Mudug inay ka fuliyaan.
