Wasiir Ku Xigeenka Wasaarada Maaliyada Puntland Axmed Yaasiin Saalax iyo Wafdi uu Hogaaminayo ayaa Magaalada Juurile Xaflad Soo Dhoweyn ah Loogu Sameeyey.
Xafladan Soo Dhoweynta ah ayaa Waxa soo qaban qaabiyey Masuuliyiinta Magaalada Juurile oo uu Hormuud yahay Mustafe Axmed Ismaaciil(Deeradille),Waxaana Xaflad Axmed Yaasiin lagu soo dhoweynayay kasoo qeybgalay Duqa Degmada Waaciye iyo Xubno ka tirsan Maamulkiisa oo Safar Shaqo ku joogay Magaalada Juurile.
Ugu Horeyn Waxa Xaflada ka Hadlay hadlay Xoghayaha Degmada Waaciye Mustafe Axmed Ismaaciil(Deeradille) oo isagu ugu horeyn u Hambalyeeyey una Duceeyey Wasiirku xigeenka Maaliyada Puntland Mudane.Axmed Yaasiin Saalax oo Bishii Kowaad ee Sanadkan Xilkan Loo Magaacabay.
Waxa isna Madasha ka hadlay Duqa Degmada Waaciye Cabdisalaan Bashiir Cabdisalaan oo isagu sheegay in ka Maamul Degmo ahaan ay si weyn u Taageersanyihiin Wasiir Axmed Yaasiin,ayna u rajaynayaan in Masuuliyada Loo igmaday uu alle la Garab Gallo.
Waxa isna Madasha ka hadlay Caaqil Cali Qodax oo ka mid ah odayaasha Magaalada Juurile isagoona sheegay inay la shaqayn doonaan Wasiir ku xigeenka Wasaarada Maaliyada Puntland .
Caaqil Cali Qodax ayaa Wasiirka ku xigeenka ku Guubaabiyey in uu noqdo Masuul Xilka Loo Idmaday Kasoo dhalaala oo si hufan u guta Waajibaadka Shaqo ee Loo Idmaday.
Isku soo Wada duuboo Wasiir Ku Xigeenka Maaliyada Puntland ayaa Maalmahan dame waday Olole Xoogaan oo uu Taageero kaga raadinayo Beesha uu kasoo Jeedo ee Dishiishe,ka dib markii ay beeshu si weyn uga Biyadiiday Saami qeybsiga Xukuumada Cabdiweli Maxamed Cali Gaas.
