Kadib markii maalintii Taariikhdu ahayd 17-12-2013 uu burburey kulankii dhexmarey Madaxweynaha Puntland iyo musharaxiinta u taagan doorashada dhaceysa Jan 8, 2014 ayaa waxaa magaalada Garowe ka socda dadaalo ay wadaan waxgaradka iyo siyaasiyiin kuwasoo lagu xalinayo khilaafaadka taagan.
Warar aanu si hoose u helnay ayaa sheegaya in Xidhibaano iyo qaar ka tirsan Issimada Puntland kulamo la qaateen qaar ka tirsan musharaxiinta u taagan xilka Madaxweynaha Puntland kuwaasoo sheegaya inuu jiro is-fahan rajo wayn leh.
Musharaxiinta u taagan xilka Madaxweynaha Puntland oo kor u dhaafaya labataneeyo ayaa waxaa jahawareer ka taagan yahay sidii wadaxajood buuxa loola gali lahaa kuwasoo wata ujeedooyin siyaasdeed oo kala duwan.
Kulankii burburey Dec 17,2013 kaasoo ay daba-socotey casumaad qado ah oo Madaxweynaha Puntland u fideyey martidii kusoo booqatey aqalka Madaxtooyada ayaa waxaa uu dood xoogweyn ka dhex dhaliyey shacabka Puntland kadib markii ay murashaxiintu diidmada casumadaas cod u qaadeen.
Shacabka Puntland oo kaashanaya issimadooda iyo waxgaradkooda ayaa awood u leh iney xalistaan khilaaf walba oo siyaasdeed kuwaasoo kaga gudba waqtigaan oo kale wadajir.
