Khudbada madaxwaynaha Puntland waxaa ka mid ah in Midowga Yurub ay si gaar ah usii xoojiso wada shaqaynta kala dhaxaysa Somalida,wuxuna ka waramay xaalada guud ee wadanka iyo dadaalka ay Puntland ugu jirto sidii midnimada iyo ammaanka dalka looga wada shaqayn lahaa.
Madaxwaynaha Dowlada Puntland ayaa khudbadiisa u dhacaysay inay ka go’an tahay sidii dib u dhiska wadanka looga shaqayn lahaa,kaalinta ay Puntand ku leedahayna ay ka qaadanayso,sidoo kale waxa uu ka waramay oo sharaxaad dheer ka bixiyay nidaamka Puntland ay ku shaqayso iyo qorsha mustaqbalka dhow u degan.
Dr.Farole waxa uu mahad u celiyay beesha Caalamka,Midowga Yurub iyo dowladaha kale ee garab taagan dhismaha Somalia,wuxuna sheegay Puntland inay door muuqda ka qaadatay dhismaha DFS,wuxuna hadalkiisa ku daray xili kasta inay ka go’antahay xalka Somalia oo si wanaagsan loo raadiyo.
Kaalmadii ugu horaysay Somalia waxaa ugu deeqay Midowga Yurub,kaasoo lagu tilmaamay inuu bilow u yahay saacadaha soo socdana lagu rajo wayn yahay inay wadamada kale ee daneeya arrimaha Somalia ay doorkooda muujin doonan.
