Mudane Raage waxa uu sheegay kulanka dhamaadkiisa inay kasoo baxeen qodobo ay ka mid yihiin in lasii joogteeyo la-dagalanka burcad badeedka iyo sidii dowladaha caalamka yabooh dhaqaale oo ka badan 300-maylan u siin lahaayeen la dirirka burcad badeedka Somalia.shirka ayaa waxa lagu ammaanay inta uu socday sida wanagsan oo ay Puntland uga qayb qaadatay la dirirka kooxdaas iyo sidii dadka deegaanka looga wacyi galin lahaa falalka foosha xun ee ay ku kacaan.
Dhinacyada shirka ka qayb galay ayaa isku raacay in sanadkii ugu danbeeyay iyo kan hada socdaa uu hoos u dhacay weeraradii ay kooxda burcad badeedka qaadi jiraan,taasoo ugu wacan go’aamada adag oo ay caalamka ka qaateen iyo howlgalinta ciidanka caalamiga ah ee NATO,waxana la go’aanshay in dadaal dheer loo galo dadka gacanta burcad badeedka ku jira sidii loo dayn lahaa.
Wasiirka Dekada ayaa ka war bixiyay kulamo gooni gooniya oo ay magalada Dubai kula qaateen saraakiil ka socda QM iyo wasiirka arrimaha dibada dalka Yemen,kulamadaasi ayuu ku tilmaamay inay kusoo dhamaadeen is-afgarad iyo in xal waara loo raadiyo Somalia,waxayna sidoo kale la kulmeen madaxwaynaha Somalia Xasan Shiikh Maxamuud Balse wasiirku wuu ka gaabsaday inuu ka war bixiyo arrimaha laga wada hadlay.
Egn.Siciid Maxamad Raage ayaa sidoo kale sheegay inay ciidankooda badda hadii ay hellaan taageero ay ku fulin yihiin inay iska caabiyaan weerarada ay kooxda burcad badeedka biyaha Somalia ku haysto,wuxuna talo ahaan usoo jeediyay inay muhiim tahay in la helo ciidan qaran oo ilaaliya xeebaha Somalia si looga adkaayo kooxaha weerarka ku ah.
Wafdiga madaxwaynaha Dowlada Puntland ayaa lagu wadaa inay maalmo ka dib u dhoofaan magalada Brussels.halkaasoo 16-ka bishaan uu ka furmayo shirka Somaliya dhaqaalaha loogu aruurinayo.
