Madaxwaynihii hore ee Dowladda Puntland Dr.Cabdiraxmaan Shiikh Maxamed Farole ayaa goor dhowayd ka dhoofay garoonka diyaaradaha ee magaalada Garowe.
Waxaana sii sagootiyay qaar ka mid ah wasiiraddii hore ee xukumadiisa,Gudoomiyaha Baarlamaanka iyo taliyaasha ciidamada kala duwan ee Puntland.
Inta uusan Dr.Farole diyaarada fuulin ayuu warbaahinta la hadlay wuxuna sheegay socdaalkiisa inuu ku wajahan yahay magalada Nayroobi ayna muhiim tahay ka wada shaqaynta nabadgalyada iyo jiritaanka Puntland.
Waxa lagu wadaa madaxwaynihii hore ee Puntland inuu kulamo kasoo sameyo dalalka dariska la ah Soomaaliya.
Beesha caalamka & dadwaynaha Soomaaliyeed ayaa madaxwaynihii hore ee Puntland usoo jeediyay boggaadin iyo inuu muujiyay karti ka dib markuu xilka si taariikhi ah uu ugu wareejiyay madaxwaynaha cusub ee Puntland.
